رائد أعمال يطالب بإنشاء منطقة حرة للشركات الناشئة في مصر.. ستجذب 20 مليار دولار إستثمارات
طالب رائد الأعمال محمد أبو النجا نجاتي، بإنشاء منطقة حرة كاملة للشركات الناشئة في مصر، لتكون عامل جذب أمام الشباب المصري وغير المصريين أيضا لإنشاء شركاتهم ومشروعاتهم في مصر بدلا من إتجاه كثير من الشباب للخارج للإستفادة من المزايا التي تقدمها بعض الدول لهذه النوعية من الشركات.
وقال نجاتي إن تصوره لتلك المنطقة يشتمل أيضا تواجد فروع للبنوك المصرية والشهر العقاري وتوفير كافة الخدمات والمصالح الحكومية الأخرى بحيث يتم إنجاز كافة الإجراءات المطلوبة للتعامل من داخل المنطقة، مقترحا ان تقدم أن المنطقة الحرة للشركات الناشئة إعفاءات للشركات العاملة في مجال الصناعات التكنولوجية.
وإقتراح نجاتي مؤسس شركة Exits.me ان تقدم المنطقة أيضا حواز للتصدير خاصة في مجال التكنولوجيا والمنتجات الأخرى، ومعاملة خاصة في أسعار الصرف وإعطاء الفرصة للشركات في تلك المنطقة لمدة 10 سنوات تعمل بشكل صحيح.
وتوقع نجاتي أن تنجح تلك المنطقة إذا ما تم تأسيسها بتلك المواصفات في جلب أكثر من 20 مليار دولار إلى مصر في صورة إستثمارات خلال 10 سنوات، وإقتراح أن تكون مدنية الشركات الناشئة في مدينة سفينكس نظرا لقربها من منطقة الأهرامات والمتحف الكبير وستكون جاذبة للأجانب.
وأضاف رائد الأعمال أنه حاول الوصول بفكرته لأي جهة كي تتبناها: قائلا ” أنا لفيت بالطلب دة و وقولته لناس كتير أوي و بحاول أبيع الفكرة في كل حتة و فاض بيا و الله انا مش مجنون!!!
وقال “من مواطن بيشتغل كتير أوي و بيحب البلد دي و بيخاف ربنا و حواليه ناس كتير أوي شاطرة و دخلنا فلوس كتير البلد الحمد لله و مش عايز غير ان الدنيا تمشي و مؤمن جدا بأن مصر هتبقي فعلا جامدة جدا بس إدونا فرصة نساعد”.
واستكمل قائلا “ممكن يتعمل منطقة حرة كاملة للشركات الناشئة في مصر نأسس فيها الشركات بدل ما معظم الناس بتأسس برة و نسكن جنبها علشان أحسن لكل حاجة و للبيئة و تبقي فيها فروع بنوك من مصر و برة تتعامل بالدولار و شهر عقاري كويس و خدمات و مصالح مصغرة بتنجز و كل قطاع يبقي بإعفائات علي المنتجات الداخلة في صناعات التكنولوچيا، و حوافز للتصدير ( تقنيات و منتجات) و انترنت كويس و ثابت و فيها مطار أو جنبها مطار لطيف إجراءاته كويسة للمستثمرين الكبار تنزل فيه بطياراتهم أو طيارات شركات طيران عادي”.
وأضاف” “سيبونا نشتغل بس 10 سنين و إدونا إعفائات كويسة و سعر صرف مفصول عن السوق السوداء اللي مبهدلانا و إحنا مش فاهمين شغالة إزاي أصلا و الشهادات اللي بـ 25٪ المستحيل حد ينافسها و الاخبار العجيبة اللي بنشوفها كل يوم و الحالة النفسية الصعبة دي و لو مدخلناش مصر 20 مليار دولار إستثمارات في 10 سنين من المنطقة الحرة دي إبقوا قولوا علينا مش مبدعين وغير قادرين علي الإبداع و هنسكت ساعتها و الله خالص مش هتسمعوا “صوتنا” تاني خالص”.
