مع اختلاف وتعدد البطاقات البنكية سواء بطاقات الخصم أو الائتمان أو المشتريات وغيرها تتشابه على الجمهور مسميات هذه البطاقات.سالي عبد القادر نائب مدير إدارة الشمول المالي بالبنك المركزي .. أوضحت الفروق بين مختلف أنواع البطاقات التي تصدر عن البنوك.
وقالت عبد القادر على صفحتها على مواقع التواصل الاجتماعي “بقابل ناس كتير متعلمين وبيشتغلوا في أماكن مرموقة وبيقولوا على بطاقات الائتمان “فيزا مشتريات”، وبما إني بشتغل في التثقيف المالي، اسمحولي بكلام بسيط أعرف الفرق بين البطاقات وأنواعها.
وقالت نائب مدير إدارة الشمول المالي بالبنك المركزي إن هناك 3 أنواع بطاقات، وجميعها يمكن من الشراء من خلالها من ماكينات نقاط البيع POS أو أونلاين أو نسحب بيهم كاش من ماكينات الصراف الألي ATM:
– بطاقة ائتمان CREDIT CARD (ودي أكن البنك بيسلفك فلوس وتردها بعدين)
– بطاقات الخصم المباشر DEBIT CARD (ودي بتبقي مربوطة بحسابك في البنك، فلما بتستخدمها أكنك سحبت من حسابك)
– البطاقات المدفوعة مقدما PREPAID CARD (ودي بتبقي زي كارت الشحن لازم نحط فيها فلوس الأول وبعدين نستخدم الفلوس اللي في البطاقة)
أما بالنسبة للشركات اللي بتصدر البطاقات فهم ٣ شركات:
– شركة فيزا VISA (بتصدر كل أنواع البطاقات اللي شرحناها فوق وممكن استخدامها في أي مكان في العالم. طبعا بما أنها كانت أول شركة تصدر بطاقات بلاستيكية فاسمها بقي هو الاسم الدارج لاي بطاقة بلاستيكية حتى الآن)
– شركة ماستر كارد MASTER CARD (بتصدر كل أنواع البطاقات وممكن استخدامها في أي مكان في العالم)
– بطاقات ميزة MEEZA (ودي شبكة المدفوعات المحلية، اللي بتسهل عمليات الدفع داخل مصر بأسعار قليلة جدا، وفي بطاقات ميزة مدفوعة مقدما وبطاقات خصم مباشر فقط لحد دلوقتي، بطاقة ميزة بتستخدم داخل مصر حاليا لكن قريب ان شاء الله هنقدر نستخدمها في بلاد تانية).
اقرأ أيضا..
