عاجل..مصادر: السيسي قد يعلن غدا ترشحه لرئاسة مصر لفترة جديدة

خاص:Fintechgate

توقعت مصادر إعلامية أن يعلن الرئيس المصري عبد الفتاح السيسي غدا الإثنين الموافق 2 أكتوبر ترشحه لإنتخابات الرئاسة المصرية لفترة جديدة.

وقالت المصادر في تصريحات لبوابة التكنولوجيا المالية Fintechgate سيعلن هذا النبأ السار لجموع المصريين من العاصمة الإدارية أحد أهم الإنجازات التي شيدها الرئيسي المصري منذ توليه رئاسة مصر في 2014.

وكشف الإعلامي أحمد موسى، عن تحركات شعبية سوف تبدأ يوم غد لتأييد ترشح الرئيس عبد الفتاح السيسي لانتخابات الرئاسة المقبلة.

وقال موسى خلال برنامج “على مسؤوليتي” المذاع على قناة “صدى البلد”: “الشعب المصري العظيم والأحزاب المصرية في ناس ترى الرئيس عمل أيه؛ بكرة في دعوات الأحزاب المصرية لدعم الرئيس عبد الفتاح السيسي؛ بكرة يوم مهم. وغدا هتجدوا شعب مصر في الميادين؛ بكرة هو دا يضايق حد؟ الأحزاب المصرية والنقابات ومواطنين مصريين محترمين؛ بكرة الناس نازلة وفي احتفالات في مصر وعندنا احتفالات غدا”.

وأضاف: “احتفالات دعم الرئيس عبد الفتاح السيسي؛ شعب مصر عارف هذا الرجل ودور هذا الرجل ولا يستطيع أحد على الإطلاق إنكار دوره؛ اللي عمله هذا الرجل يكفيني أنا شخصيا وقفته معانا يوم 3 يوليو 2013 فيما عدا ذلك نأخذ وندي مع بعض”.

وتابع: “هذا اليوم شعب مصر كله هنا؛ بعد كده تكلمني عملنا ايه ومعملناش ايه واستلم البلد في 2014 كانت ايه؛ جماعة الإخوان استملت البلد في سنة وجابت البلد على الأرض؛ هو مين اللي دمر البلد في 28 يناير؟ مين اللي دخل السجون وقتل الناس وولع في البلد غيرهم؟”.

وواصل: “الفرصة جات لهم اللي بيدوروا عليها من 80-90 سنة؛ هو مين اللي بيقتل الناس؟ هما؛ الرئيس استلم البلد شوفتوها استلمها ازاى؛ كان عندنا الدويقة والكهرباء كانت بتتقطع كام ساعة في اليوم”.

وأكمل: “أنا كنت في البلد وقتها قطعت الكهربا وقتها 3 أيام؛ نسينا البلد دي كانت ايه؟ يا جماعة حرام علينا والله فاكرين البنزين والجراكن؟ أحنا كنا رايحين واحنا مسافرين محطات البنزين كلها مفيش؛ طيب هنعمل ايه؟ وميكروباصات شايلة الجراكن طوابير عربيات”.

واختتم موسى حديثه: “الناس كانت بتتثبب في الشارع وتتاخد عربياتهم واتاخدت عربيات مش دي كانت مصر؟ ولا بتكلم عن بلد تانية؟ أنا هاممني استلم البلد ازاي؛ نعمة الأمن والأمان اكتر من أي حاجة؛ استقرار البلد دي مش عايزينها تستقر؛ جماعة الإخوان ومن يؤيدها واللي عايزينهم يرجعوا للمشهد؛ الشعب لن يسمح لأحد أيا كان الشعب جرب وداق وشاف”.

إقرأ أيضا:

مصطفى بكري يكشف موقف السيسي من الترشح للانتخابات الرئاسية

الإقتصادي أحمد أبو علي ومجموعة من الشباب يطلقون مبادرة «بنأيدك يا سيسي» لدعم ترشح السيسي للإنتخابات الرئاسية

عاجل: 57 اتحادا يعلن تأييده لترشح عبد الفتاح السيسي لفترة رئاسية جديدة